وكالة باب العراق / أخبار الفن
نعى السيناريست سيد بشير نجله سليم، الذي توفي يوم الأحد، حيث شارك متابعيه رسالة مؤثرة عبر حسابه الرسمي على موقع “إنستجرام”.
كتب سيد بشير في رسالته: “سولي حبيبي، عارف إنك خفيت الحمد لله وما بقيتش تعبان زي الفترة اللي فاتت، وعارف ومتأكد إنك أحسن وزمانك قاعد دلوقتي بتلعب مع تيتا، بس يا ابني والله غصب عني الفراق لعنة زيه زي المحبة، لعنة ما تنتهيش”.
وأضاف: “حقك عليا يا حبيبي، كان نفسي تنزل تصلي الجمعة سوا، وتنزل نقعد ع القهوة مع بعض زي الصحاب، وكان نفسي تتخانق كتير قوي لما تكبر، وكان نفسي نضحك أكتر وأنا قافشك وإنت عامل نفسك ناصح”.
وتابع: “كنت عايز أشوف البنت اللي هتحبها، كنت عايز أديك كل الكتب اللي في مكتبتي، كنت بتخيلك كتير وإنت بتسندني وأنا عجوز، عجزت يا ابني وإنت ما بقيتش معايا، بس فرحان لك يا حبيبي إنك خفيت الحمد لله وبقيت في الجنة، ربنا يصبرني على بعدك يا حبيبي لحد ما أجي لك، ويارب يكون قريب. سلم على تيته وعلى كل الحبايب، واللقا قريب إن شاء الله”.
يُذكر أن من أحدث أعمال السيناريست سيد بشير هو مسلسل الرسوم المتحركة “قص ولصق”، الذي عُرض عام 2026، بالإضافة إلى فيلم “الهدية”، الذي طُرح عام 2025، والذي يُعتبر من أبرز أعماله في مجال الرسوم المتحركة.
