أسما شريف منير تشارك صوراً مع عائلتها وتوضح أسباب غيابها عن وسائل التواصل الاجتماعي

وكالة باب العراق / أخبار الفن

شاركت الفنانة الشابة أسما شريف منير مجموعة من الصور التي تجمعها بزوجها عبر حسابها الرسمي على موقع “إنستجرام”، في خطوة تعكس رؤيتها الجديدة لحياتها بعد فترة من الابتعاد عن مواقع التواصل الاجتماعي.

وكشفت أسما أن فترة غيابها عن السوشيال ميديا منحتها فرصة للتأمل في حياتها من منظور مختلف، حيث أدركت ما ترغب في تقديمه لجمهورها، وهو الحياة الطبيعية والبسيطة بعيدًا عن المبالغة والتكلف.

في منشورها، أوضحت أسما: “لما كنت بتعلم الرسم بالزيت، اتعلمت إن ساعات لازم أبعد عن الصورة علشان أعرف أشوفها صح. طول ما أنا قريبة منها أوي، مش ببقى شايفة الصورة كاملة، وده تقريبًا اللي حصل معايا مع السوشيال ميديا”.

وأضافت: “بعدت عنها فترة وأنا ببني عالم تاني بعيد عن كوني Content Creator، والمسافة دي خلتني أتفرج وأفهم أنا فعلًا عايزة أقدم إيه، لقيت عالم كله بيجري، بيقارن، بيقلد، وبيبقى obsessed بالحاجة اللي بعدها… وحسيت إن أكتر حاجة نفسي أقدمها هي العادي”.

وتحدثت عن الحياة التي تتمناها، قائلة: “حياة عادية وطبيعية نقعد مع بعض أكتر، نقلل تليفون، ناكل في البيت، نشتغل على نفسنا، نبطل نقارن، نجيب اللي نقدر عليه، نبر أهلنا، ونقرب من الناس اللي بتحبنا. منبقاش نسخة من حد، نبقى نسخة أحسن من نفسنا”.

واختتمت أسما رسالتها بالتأكيد على أهمية العودة إلى الحياة البسيطة، مشددة على ضرورة استكشاف العادي مرة أخرى، حيث قالت: “عايزين حياة هاديه بسيطة و حقيقية يعني وعادي”.