وكالة باب العراق / أخبار الفن
أعرب المطرب أحمد سعد عن رأيه في أحدث أغاني الفنانة شيرين عبدالوهاب، مشيراً إلى أن الجمهور كان يتطلع بشغف لعودتها بعد فترة غياب طويلة عن الساحة الفنية.
وخلال استضافته في برنامج “الحكاية” مع الإعلامي عمرو أديب، قال أحمد سعد: “شيرين الموضوع مش في الأغاني، الموضوع في العودة بتاعت شيرين، لأن الناس بتحبها وبتحب أي حاجة بتعملها. فعشان كده أي حاجة هي بتقولها الناس بتحبها، ومش معنى كده إن الأغاني مش حلوة، بس هي مش عاجباني بصراحة، مش أحلى حاجة، هي الأغاني حلوة بس مش أحسن حاجات لشيرين، والناس حبتها عشان هي رجعت بعد الغياب ده”.
وأضاف: “لها جمهور كبير وصوتها مميز جداً، والناس كانت منتظرة عودتها وفرحانين بأي حاجة هتقولها بعد الغياب ده، لكن أغنية ‘تباعا تباعا’ معجبتنيش، وقلت لها كده، مش أحلى حاجة لشيرين، وهي لو سمعتني دلوقتي مش هتتفاجئ”.
وفيما يتعلق بمصطلح “نمبر وان”، قال أحمد سعد: “كل واحد عنده ترتيب غير التاني، كل واحد بيسمع عنده ترتيب. في ناس عندها تامر حسني رقم واحد، وفيه ناس عندها عمرو دياب رقم واحد، وفيه ناس أنا عندهم رقم واحد، فمينفعش أنا أقول على نفسي رقم واحد، أقول على نفسي ليه؟ ما الناس بتقول عليا، وأنا بحس إن أي حد بيقول على نفسه حاجة هو مش حاسسها من جواه، ولو حاسسها مش هيقولها”.
وتابع: “ساعات وإنت بتقعد تقول للناس حاجات لحد ما تصدقها، ودي مدرسة ودي مش الحقيقة، وده بيروح في ثانية، ومحمد رمضان عدى رقم واحد لأنه فريد من نوعه”.
على صعيد آخر، كان أحمد سعد قد طرح مؤخراً مجموعة من الأغاني تحت عنوان “الألبوم الفرفوش” عبر قناته الرسمية على “يوتيوب” ومنصات الموسيقى المختلفة، ومن بينها أغنيات: “أوبا”، و”ورد”، و”جوزها”، و”خبر عاجل”.
