وكالة باب العراق / أخبار الفن
كشف الفنان صبري عبد المنعم عن أسباب ظهوره على منصة “تيك توك”، حيث أوضح أنه يستغل وقته في تقديم موضوعات فنية وأدبية، بالإضافة إلى حديثه عن حالته الصحية.
وفي بث مباشر، قال صبري: “أنا دلوقتي بستغل وقتي بدل ما أروح دار رعاية، وبدل ما أروح مستشفى أمراض نفسية وعقلية، ونفسي ما أتحوجش إني ما لاقيش حق الدوا”.
وأضاف: “الحمد لله أحسن شوية من الأول، بس ربنا لسه ما اشتغلتش يعني، إن شاء الله يبقى خير، عشان في مشكلة جامدة في عيني، والدكاترة منعوني من الشغل مؤقتًا لحد المشكلة دي، بإذن الله”.
وتابع: “عايش في نعمة ربنا، ومش عارف حدود شكري قد إيه، ربنا كارمني كرم غير عادي، فأنا عايش في كرم ربنا”.
وأشار إلى فقدانه للعديد من الأصدقاء، قائلاً: “أنا كل أصحابي ماتوا، مفيش حد منهم غير محمود حميدة، وشوية أصدقاء يعني، ومش دايمًا بنتواصل”.
واختتم حديثه قائلاً: “أنا بطلع مش برقص، بتكلم في موضوعات مفيدة، وبتكلم في موضوعات فنية وأدبية، وموضوعات شديدة الاحترام، ماليش دعوة بحد، كل واحد حر يختار الطريق اللي يطلع بيها، أنا كل أصحابي مفيش حد دلوقتي موجود، فأنا بعوض فقدان أصحابي”.
يذكر أن آخر أعمال الفنان صبري عبد المنعم كان مشاركته في مسلسل “سراب”، الذي يضم مجموعة من النجوم مثل خالد النبوي ويسرا اللوزي وهاني عادل، والعمل من تأليف هشام هلال وإخراج أحمد خالد.
